7. натумхасуттаван̣н̣ана̄

37. на тумха̄канти ка̄йасса анаттанийабха̄вадассанамева панетанти йа̄ тасса анаттанийата̄, там̣ дассетум̣ ‘‘аттани хӣ’’тиа̄ди вуттам̣. йади на аттанийам̣, паракийам̣ на̄ма сийа̄ти, тампи наттхӣти дассенто ‘‘на̄пи ан̃н̃еса’’нти а̄ха. найидам̣ пура̄н̣акаммамева̄ти ‘‘идам̣ ка̄йо’’ти вуттасарӣрам̣ пура̄н̣акаммамева на хоти. на хи ка̄йо ведана̄сабха̄во. паччайавоха̄рена̄ти ка̄ран̣опача̄рена. абхисан̇кхатантиа̄ди напум̣сакалин̇гавачанам̣. пурималин̇гасабха̄гата̄йа̄ти ‘‘пура̄н̣амидам̣ камма’’нти евам̣ вуттапуриманапум̣сакалин̇гасабха̄гата̄йа. ан̃н̃аман̃н̃а̄бхимукхехи самечча паччайехи като абхисан̇кхатоти а̄ха ‘‘паччайехи катоти дат̣т̣хаббо’’ти. абхисан̃четайитанти татха̄ абхисан̇кхататтасан̇кха̄тена абхимукхабха̄вена четайитам̣ пакаппитам̣, паваттитанти аттхо. четана̄ваттхукоти четана̄хетуко. веданийанти ведана̄йа хитам̣ ваттха̄рамман̣абха̄вена ведана̄йа паччайабха̄вато. тена̄ха ‘‘веданийаваттхӯ’’ти.

натумхасуттаван̣н̣ана̄ нит̣т̣хита̄.