10. татийачетана̄суттаван̣н̣ана̄

40. рӯпа̄дӣсу чхасу а̄рамман̣есу. тена четтха бхаваттайам̣ сан̇ган̣ха̄ти чхал̣а̄рамман̣апарийа̄паннатта̄. тассева бхаваттайасса паттхана̄ пан̣идха̄на̄дивасена нати на̄ма. а̄гатимхи гатӣти паччупат̣т̣ха̄навасена абхимукхам̣ гати паватти етасма̄ти а̄гати, камма̄динимиттам̣. тасмим̣ пат̣исандхивин̃н̃а̄н̣асса гати паватти ниббатти хоти. тена̄ха ‘‘а̄гате’’тиа̄ди. чутӯпапа̄тоти чаванам̣ чути, маран̣ам̣. упападжджанам̣ ниббатти, упапа̄то. чутито упапа̄то пунаруппа̄до. тена̄ха ‘‘евам̣ вин̃н̃а̄н̣асса̄’’тиа̄ди. итоти ниббаттабхавато. таттха̄ти пунаббхавасан̇кха̄те а̄йатибхаве. екова сандхӣти еко хетупхаласандхи ева катхито.

татийачетана̄суттаван̣н̣ана̄ нит̣т̣хита̄.

кал̣а̄ракхаттийаваггаван̣н̣ана̄ нит̣т̣хита̄.