5-10. сикхӣсутта̄диван̣н̣ана̄

5-10. на евам̣ йоджетва̄ти ‘‘сикхиссапӣ’’тиа̄дина̄ самуччайавасена евам̣ на йоджетва̄. касма̄тиа̄дина̄ таттха ка̄ран̣ам̣ вадати. ека̄сане адеситатта̄ти вуттамеваттхам̣ па̄кат̣ам̣ ка̄тум̣ ‘‘на̄на̄т̣ха̄несу хӣ’’тиа̄ди вуттам̣. йадипи та̄ни висум̣ висум̣ вуттабха̄вена десита̄ни, аттхаван̣н̣ана̄ пана екасадиса̄ тадаттхасса абхиннатта̄. ‘‘буддха̄ джа̄та̄’’ти на ан̃н̃о а̄чиккхатӣти йоджана̄. на хи маха̄бодхисатта̄нам̣ паччхимабхаве паропадесена пайоджанам̣ аттхи. гатамаггенева̄ти пат̣ипаттигаманена гатамаггенева паччхимамаха̄бодхисатта̄ гаччханти, айаметтха дхаммата̄. гаччхантӣти чатӯсу сатипат̣т̣ха̄несу патит̣т̣хитачитта̄ сатта боджджхан̇ге йа̄тха̄вато бха̄ветва̄ самма̄самбодхийа̄ абхисамбуджджханавасена паваттантӣти аттхо. йатха̄ пана тесам̣ пат̣хамавипассана̄бхинивесо хоти, там̣ дассетум̣ ‘‘саббабодхисатта̄ хӣ’’тиа̄ди вуттам̣. буддхабха̄ва̄нам̣ випассана̄, буддхаттха̄йа ва̄ випассана̄ буддхавипассана̄.

сикхӣсутта̄диван̣н̣ана̄ нит̣т̣хита̄.

буддхаваггаван̣н̣ана̄ нит̣т̣хита̄.