3. песаласуттаван̣н̣ана̄

211. етесанти етесам̣ махаллака̄нам̣. на па̄л̣и а̄гаччхати аппагун̣абха̄вато. на ча па̄л̣и упат̣т̣ха̄ти, ека̄йа па̄л̣ийа̄ сати па̄л̣игатийа̄ татха̄ татха̄ упат̣т̣ха̄нампи несам̣ наттхӣти вадати. на ат̣т̣хакатха̄ти еттха̄пи есева найо. ситхиладханита̄дитам̣там̣бйан̃джанабуддхим̣ аха̄петва̄ учча̄ран̣ам̣ падабйан̃джанамадхурата̄. атиккамитва̄ ман̃н̃ати ан̃н̃е бхиккхӯ. хӣл̣анавасена абхибхавитва̄ пат̣ибха̄насутена атта̄нам̣ пасам̣сати самбха̄вети. ма̄насса паваттита̄йа сахаджа̄таниссайа̄дипаччайадхамма̄ там̣сахабхудхамма̄. ма̄навасена виппат̣иса̄рӣ ахува̄. ма̄ ахосӣти йоджана̄. ван̣н̣абхан̣ананти парехи кирийама̄нам̣ гун̣а̄бхиттхавам̣. акхилоти пан̃чачетокхиларахито. ниссесам̣ нававидханти нававидхампи ма̄нам̣ кассачи екадесассапи асесато. виджджа̄йа̄ти аггамаггавиджджа̄йа. аччантамева самитата̄йа вӯпасамитата̄йа самита̄вӣ.

песаласуттаван̣н̣ана̄ нит̣т̣хита̄.