2. удайасуттаван̣н̣ана̄

198. етам̣ вуттанти ‘‘оданена пӯресӣ’’ти етам̣ вачанам̣ вуттам̣. ‘‘гахетум̣ саматтхо на̄ма на̄хосӣти бхагавато адхит̣т̣ха̄набалена̄’’ти ваданти. там̣ бра̄хман̣ам̣ винетука̄мата̄йа кира бхагава̄ татха̄ ака̄си.

упа̄рамбхабхайена̄ти парӯпава̄дабхайена. аватва̄ва ниватто ‘‘аббха̄гатопи па̄сан̣д̣о ва̄ча̄маттенапи на пӯджетаббо’’ти бра̄хман̣адхамме вуттатта̄. паккантоти бра̄хман̣асса дхаммам̣ аватва̄ пакканто бра̄хман̣асса на та̄ва н̃а̄н̣ам̣ парипакканти. етам̣ вачанам̣…пе… магама̄си ‘‘пунаппунан̃чева вапанти бӣджа’’нтиа̄дина̄ дхаммам̣ катхетум̣ авассам̣ а̄кан̇кханто. пака̄рато кассатӣти пакат̣т̣хако, расатан̣ха̄йа пакат̣т̣хоти аттхо. тена̄ха ‘‘расагиддхо’’ти.

‘‘пунаппунан̃чева вапанти бӣджа’’нти имам̣ десанам̣ а̄рабхӣти самбандхо. бӣджанти ча ити-саддо нидассанаттхо ва̄. тена авайавена самуда̄йам̣ нидассети. осаккасӣти сан̇кочаси. вуттанти вапанам̣ катам̣. тасма̄ вуттам̣ ‘‘аламетта̄вата̄’’ти. ‘‘васситва̄’’ти вут̣т̣хим̣ паваттетва̄.

десана̄…пе… дассети бра̄хман̣ена вуттам̣ айуттавачанам̣ париват̣т̣ентопи дивасе дивасе бхиккха̄чарийа̄ на̄ма бхиккхӯнам̣ ка̄йагата̄ вуттӣти. кхӣрам̣ хаттхена найантӣти ва̄ кхӣраника̄. киламатӣти там̣там̣киччакаран̣авасена кхиджджати. пхандатӣти анаттхасама̄йогавасена виппхандати. апунаббхава̄йа̄ти а̄йатим̣ ануппаттийа̄. магго на̄ма̄ти упа̄йо на̄ма нибба̄нам̣, тасмим̣ ладдхе пунаббхава̄бха̄вато. ‘‘пунаппуна’’нти вачанам̣ упа̄да̄йа бӣджавапана̄дайо пунаппунадхамма̄ на̄ма джа̄та̄ти а̄ха ‘‘сол̣аса пунаппунадхамме десентена̄’’ти.

удайасуттаван̣н̣ана̄ нит̣т̣хита̄.