7. суддхикасуттаван̣н̣ана̄

193. суддхикапан̃хасса̄ти ‘‘на̄бра̄хман̣о суджджхатӣ’’ти евам̣ суддхасаннисситасса пан̃хасса. сӣласампанноти пан̃чавидханийамалаккхан̣ена сӣлена саманна̄гато. тапокамманти анасанапан̃ча̄тапатаппана̄дипарибхеданатапокаммам̣ каронтопи. виджджа̄ти тайо веда̄ти ваданти ‘‘та̄йа идхалокаттхам̣ паралокаттхам̣ н̃а̄йантӣ’’ти катва̄. готтачаран̣анти готтасан̇кха̄там̣ чаран̣ам̣. бра̄хман̣о суджджхати джет̣т̣хаджа̄тикатта̄. татха̄ хи со ева тапам̣ а̄чаритум̣ лабхати, на итаро. ан̃н̃а̄ ла̄мика̄ паджа̄ти итараван̣н̣ам̣ вадати. вачанасахассампӣти га̄тха̄некасахассампи. анто килесехи пӯтико сабха̄вена пӯтико. килит̣т̣хехи ка̄йакамма̄дӣхи ка̄йадуччарита̄дӣхи.

суддхикасуттаван̣н̣ана̄ нит̣т̣хита̄.