3. асуриндакасуттаван̣н̣ана̄

189. тенева̄ти бха̄тупаббаджитенева. ассева̄ти титиккхасса. ‘‘там̣ джайам̣ хотӣ’’ти лин̇гавипалла̄савасена вуттанти а̄ха ‘‘со джайо хотӣ’’ти, дуджджайам̣ кодхам̣ титиккха̄йа джинантасса̄ти адхиппа̄йо. йасма̄ титиккха̄дайо на кодхавасикам̣ дхурам̣, там̣ пана ба̄ла̄нам̣ ман̃н̃ана̄маттанти идха имаматтхам̣ вибха̄ветум̣ ‘‘катамасса̄’’тиа̄ди вуттам̣. виджа̄натова джайо на авиджа̄нато титиккха̄йа абха̄вато. на хи авиджа̄нанто андхаба̄ло кодхам̣ виджетум̣ саккоти. кевалам̣ джайам̣ ман̃н̃ати килесехи пара̄джито сама̄нопӣти адхиппа̄йо.

асуриндакасуттаван̣н̣ана̄ нит̣т̣хита̄.