7. супатисуттаван̣н̣ана̄

143. утуга̄ха̄панаттхам̣ дховитва̄, на раджоджаллавиккха̄ланаттхам̣. тена̄ха ‘‘буддха̄нам̣ пана̄’’тиа̄ди. дхотапа̄даке гехети дхотапа̄дехи аккамитаббаке. ваттабхедо на̄ма наттхи дхаммасса̄мибха̄вато. ваттасӣсе т̣хатва̄ дхованти ан̃н̃есам̣ дит̣т̣ха̄нугатиа̄паджджанаттхам̣. соппапаригга̄хакена̄ти еттха соппам̣ на̄ма нидда̄йа антарантара̄ паваттакирийамайачиттаппаваттирахита̄ нирантарабхаван̇гасантатӣти там̣ сабха̄вато пайоджанато ка̄лапариччхедато паригга̄хакам̣ упариниддесасатисампаджан̃н̃ам̣ сандха̄йа вуттам̣ ‘‘соппапаригга̄хакена сатисампаджан̃н̃ена̄’’ти. кечи пана ‘‘нидда̄соппана̄’’ти ваданти, там̣ бхагавато соппам̣ хӣл̣енто вадати.

ким̣ нӯти еттхам̣ кинти хетуниссакке паччаттавачананти а̄ха ‘‘касма̄ ну супасӣ’’ти? дуббхаго вуччати ниссирико бхиннабхаго, со пана матасадисо висан̃н̃исадисо ча хотӣти а̄ха ‘‘мато вийа висан̃н̃ӣ вийа ча̄’’ти.

а̄дина̄ти а̄ди-саддена ‘‘ба̄хирасса упа̄да̄йа ат̣т̣ха̄раса̄’’тиа̄дина̄ (вибха. 842) а̄гатам̣ тан̣ха̄кот̣т̣ха̄сам̣ сан̇ган̣ха̄ти. таттха таттха висаттата̄йа̄ти таммим̣ тасмим̣ а̄рамман̣е висесато а̄саттабха̄вена. висасса дуккханиббаттакакаммасса хетубха̄вато висамӯлата̄ висам̣ ва̄ дуккхадуккха̄дибхӯтаведана̄ мӯлам̣ етасса̄ти висамӯла̄, тан̣ха̄. тасса рӯпа̄дикасса дуккхасса парибхого, на аматасса̄ти висапарибхогата̄. каттхачи нетунти каттхачи бхаве саббатха̄ нетум̣? париккхайа̄ти саббасо кхӣн̣атта̄. туйхам̣ ким̣ еттха̄ти саббупадхипариккхайа̄ суддхасса мама пат̣ипаттийам̣ туйхам̣ ким̣ уджджха̄йанам̣? кевалам̣ вигха̄тойева тети дассети.

супатисуттаван̣н̣ана̄ нит̣т̣хита̄.