2. хаттхира̄джаван̣н̣асуттаван̣н̣ана̄

138. андхабха̄вака̄ракети пачураджанасса чаккхувин̃н̃а̄н̣уппаттинива̄ран̣ена андхабха̄вака̄раке. маха̄тамети махати тамаси. па̄са̄н̣апхалаке маха̄чӣварам̣ сӣсе т̣хапетва̄ти етена там̣ пхалакам̣ апасса̄йа нисинноти дассети. падха̄нанти бха̄ванам̣. паригган̣хама̄ноти саббасо ган̣ханто ависсадждженто, бха̄ванам̣ ануйун̃джанто анупуббасама̄паттийо пхаласама̄паттин̃ча манасикаронтоти аттхо. тена̄ха ‘‘нану ча̄’’тиа̄ди. арит̣т̣хакоти арит̣т̣хакаван̣н̣о. тена̄ха ‘‘ка̄л̣ако’’ти.

дӣгхамаддха̄нанти чиратарам̣ ка̄лам̣. сам̣саранти а̄са̄дана̄дхиппа̄йена сан̃чаранто, алам̣ туйхам̣ етена ниппайоджананти адхиппа̄йо. на хи тена ма̄расса ка̄чи аттхасиддхӣти.

хаттхира̄джаван̣н̣асуттаван̣н̣ана̄ нит̣т̣хита̄.