10. ана̄тхапин̣д̣икасуттаван̣н̣ана̄

101. дасаме ка̄мам̣ девата̄сам̣йуттепи ‘‘идам̣ хи там̣ джетавана’’нтиа̄дина̄ има̄ ева га̄тха̄ а̄гата̄. таттха ‘‘ан̃н̃атара̄ девата̄’’ти нида̄нам̣ а̄ропитам̣. хет̣т̣ха̄ а̄гатанайатта̄ ева хи поттхакесу на ликхитам̣, идха пана девапуттасам̣йутте ‘‘ана̄тхапин̣д̣ико девапутто’’ти нида̄не нигаме ча а̄гатам̣, таттха девапуттена саттху вуттаппака̄рагун̣апаведанавасена вуттам̣. саттха̄ пана бхиккхӯнам̣ таматтхам̣ паведенто ‘‘ан̃н̃атаро девапутто’’ти а̄ха. татха̄ паведане пана ка̄ран̣ам̣ дассенто ‘‘а̄нандаттхерасса̄’’тиа̄дима̄ха. анума̄набуддхийа̄ти анума̄нан̃а̄н̣асса. а̄нубха̄ваппака̄санаттханти баладӣпанаттхам̣.

ана̄тхапин̣д̣икасуттаван̣н̣ана̄ нит̣т̣хита̄.

дутийаваггаван̣н̣ана̄ нит̣т̣хита̄.