8. гахат̣т̣хавандана̄суттаван̣н̣ана̄

264. путхуддиса̄ти бахудиса̄. ка̄ пана та̄ти а̄ха ‘‘чатассо диса̄ чатассо анудиса̄ ча̄’’ти. анудиса̄гахан̣ена четтха уддхам̣ адхопи гайхатӣти ча дассети. бхӯмива̄синоти бхӯмипат̣ибаддхавуттино. етена руккхапаббатанива̄синопи гахита̄ хонти. чирараттасама̄хитачиттети упача̄раппана̄джха̄на̄ни уппа̄детва̄ апарихӣнаджджха̄ната̄йа чирака̄лам̣ сама̄хитачитте. а̄па̄н̣акот̣иканти джӣвитапарийантам̣ йа̄ваджӣвам̣. евама̄дӣти а̄ди-саддена авасесапун̃н̃акирийаваттхӯни сан̇ган̣ха̄ти. ниччасӣлавасена пан̃чахи, нийамасӣлавасена дасахи. пи-саддена тато катипайехи упосатхасӣлавасена ат̣т̣хахипӣти дассети. дхаммикехӣти дхаммато анапетехи. памукхоти памоккхо.

гахат̣т̣хавандана̄суттаван̣н̣ана̄ нит̣т̣хита̄.