7. иссарийасуттаван̣н̣ана̄

77. саттхасса маланти саттхамалам̣, йена саттхам̣ малӣнам̣ хоти, саттхамалаггахан̣ена четтха малӣнам̣ саттхамева гахитанти а̄ха ‘‘малаггахитасаттха’’нти. а̄н̣а̄паваттананти аппаке ва̄ маханте ва̄ йаттха каттхачи аттано а̄н̣а̄йа паваттанавасена васанам̣ иссарийаттамиччханти. ман̣иратанампи виссаджджанӣйапаккхикатта̄ уттамам̣ бхан̣д̣ам̣ на̄ма на хоти, иттхӣ пана париччаттакула̄ча̄риттхика̄йапи аниссаджджанӣйата̄йа уттамабхан̣д̣ам̣ на̄ма. тена̄ха ‘‘иттхӣ бхан̣д̣а̄намуттама’’нти. тесам̣ тесан̃хи пуриса̄джа̄нӣйа̄нам̣ уппаттит̣т̣ха̄ната̄йа уттамаратана̄каратта̄ иттхӣ бхан̣д̣а̄намуттамам̣. малаггахитасаттхасадисо авабодхакиччавибандханато. саттхамалам̣ вийа саттхасса пан̃н̃а̄саттхасса гун̣а̄бха̄вакаран̣ато пан̃н̃а̄саттхамалам̣. аббу вуччати упаддавам̣, там̣ детӣти аббудам̣, вина̄сака̄ран̣ам̣. нану харан̣ам̣ саман̣асса айуттанти? йуттам̣. тасса анвайато бйатирекато ча йуттатам̣ дассенто ‘‘сала̄кабхатта̄дӣнӣ’’тиа̄дима̄ха.

иссарийасуттаван̣н̣ана̄ нит̣т̣хита̄.