3. виттасуттаван̣н̣ана̄

73. саддха̄йа̄ти саддха̄хету. куласампада̄ти кхаттийа̄дисампаттийо. саббалокийалокуттаравиттапат̣ила̄бхахетуто саддха̄виттамева. хет̣т̣ха̄ тин̣н̣ам̣ два̄ра̄нам̣ васена уппаннакасса саббассапи анаваджджадхаммасса сан̇ган̣ханато ‘‘дхаммоти дасакусалакаммапатхо’’ти вуттам̣. асам̣килит̣т̣хасукханти. нира̄мисам̣ сукхам̣. тамева са̄мисам̣ упанидха̄йа самбха̄венто а̄ха ‘‘асам̣килит̣т̣ха’’нти. асечанакабха̄вена абхиручиджананато пийа̄киччхакаран̣ато бахум̣ сучирампи ка̄лам̣ а̄севантасса адоса̄вахато саччамева мадхуратарам̣. на хи там̣ пивитаббато са̄дитаббато анубхавитаббато расоти ваттаббатам̣ арахати. ида̄ни тасса киччасампаттиаттхехипи маха̄рахатам̣ дассетум̣ ‘‘саччасмим̣ хӣ’’тиа̄ди вуттам̣. таттха надӣниваттанам̣ маха̄каппинаваттхуа̄дӣхи (дха. па. ат̣т̣ха. 1.маха̄каппинаттхераваттху; а. ни. ат̣т̣ха. 1.1.231; тхерага̄. ат̣т̣ха. 2.маха̄каппинаттхерага̄тха̄ван̣н̣ана̄) дӣпетаббам̣, итара̄ни кан̣хадӣпа̄йанаджа̄така- (джа̄. 1.10.62 а̄дайо) сутасома- (джа̄. 2.21.371 а̄дайо) маччхаджа̄такехи (джа̄. 1.1.34, 75; 1.2.131 а̄дайо) дӣпетабба̄ни. ниммадденти абхибхаванти. мадхуратаранти сундаратарам̣ сет̣т̣хесӯти аттхо. пан̃н̃а̄джӣвӣти пан̃н̃а̄йа джӣванасӣлоти пан̃н̃а̄джӣвӣ, пан̃н̃а̄пуббан̇гамачарийоти аттхо. пан̃н̃а̄джӣвӣти ча пан̃н̃а̄васена ирийати ваттати джӣвитам̣ паваттетӣти аттхоти дассенто ‘‘йо пан̃н̃а̄джӣвӣ’’тиа̄дима̄ха. ‘‘джӣвата’’нти кечи пат̣ханти, джӣванта̄нам̣ пан̃н̃а̄джӣвим̣ сет̣т̣хама̄хӯти аттхо.

виттасуттаван̣н̣ана̄ нит̣т̣хита̄.