10. паджджотасуттаван̣н̣ана̄

80. там̣ там̣ самависамам̣ паджджотатӣти паджджото. падӣпо андхака̄рам̣ видхамитва̄ паччаккхато рӯпагатам̣ дассети, евам̣ пан̃н̃а̄паджджото авиджджандхака̄рам̣ видхамитва̄ дхамма̄нам̣ параматтхабхӯтам̣ рӯпам̣ дассети. джа̄гарабра̄хман̣о вийа̄ти джа̄гаракхӣн̣а̄савабра̄хман̣о вийа. со хи сатипан̃н̃а̄вепуллаппаттийа̄ саббада̄пи джа̄гаро хоти. га̄воти годжа̄тийо. идам̣ гуннам̣ гон̣а̄нан̃ча са̄ман̃н̃ато гахан̣ам̣. каммети каран̣аттхе бхуммавачанам̣. джӣванам̣ джӣво, саха джӣвена̄ти саджӣвино. тена̄ха ‘‘каммена саха джӣванта̄на’’нти, касива̄н̣иджджа̄дикаммам̣ катва̄ джӣванта̄нанти аттхо. гоман̣д̣алехи саддхинти гоган̣ена саха. на тена вина̄ касикамма̄дӣни уппаджджанти, горасасиддхийа̄ чева касанабха̄раваханасиддхийа̄ ча касикаммаекаччава̄н̣иджджакамма̄дӣни иджджханти. саттака̄йасса̄ти а̄ха̄рупаджӣвино саттака̄йасса касито ан̃н̃атха̄ джӣвикам̣ каппентассапи касиджӣвитавуттийа̄ мӯлака̄ран̣ам̣ пхаланиппхаттинимиттатта̄ тасса. ирийа̄патхо ча ирийанакирийа̄нам̣ паваттанупа̄йо. ‘‘сӣтанти нан̇галасӣтакамма’’нти ваданти.

паджджотасуттаван̣н̣ана̄ нит̣т̣хита̄.