10. локасуттаван̣н̣ана̄

70. кисминти кисмим̣ сати? тасса пана сантабха̄во уппаттивасенева̄ти а̄ха ‘‘кисмим̣ уппанне’’ти? локо уппанноти вуччати анупа̄да̄натта̄ локасаман̃н̃а̄йа. чхасӯти еттха̄пи есева найо сантхаванти адхикасинехам̣ кароти адхикасинехаваттхубха̄вато аджджхаттика̄йатана̄нам̣. упа̄да̄йа̄ти пуббака̄лакирийа̄ апарака̄лакирийам̣ апеккхатӣти вачанасесавасена кирийа̄падам̣ гахитам̣ ‘‘паваттатӣ’’ти. ким̣ пана паваттати? локо, локасаман̃н̃а̄ти аттхо. чхасӯти идам̣ нимиттаттхе бхуммам̣. чхал̣а̄йатананимиттан̃хи саббадуккхам̣. айанти сатталоко. уппанно на̄ма хоти чхал̣а̄йатанам̣ на̄ма мӯлам̣ саббадуккха̄нанти катва̄. ба̄хиресу а̄йатанесу сантхавам̣ кароти висесато рӯпа̄дӣнам̣ тан̣ха̄ваттхукатта̄. йасма̄ чаккха̄дӣнам̣ сантаппанавасена рӯпа̄дӣнам̣ париггахитатта̄ локасса нисевита̄йа сам̣ваттати, тасма̄ вуттам̣ ‘‘чханнам̣…пе… вихан̃н̃атӣ’’ти.

локасуттаван̣н̣ана̄ нит̣т̣хита̄.

аддхаваггаван̣н̣ана̄ нит̣т̣хита̄.