3. миттасуттаван̣н̣ана̄

53. саха аттхена ваттатӣти саттхо, бхан̣д̣амӯлам̣ гахетва̄ ва̄н̣иджджавасена десантара̄дӣсу вичаран̣акаджанасамӯхо. тена̄ха ‘‘саддхим̣чаро’’ти, сахачаран̣акоти аттхо. миттанти синехайогена миттакиччайуттам̣. идха̄дхиппетаппака̄рам̣ дассетум̣ ‘‘роге уппанне’’тиа̄ди вуттам̣. татха̄рӯпети джигуччханӣйе, дуттикиччхе ва̄. йатха̄ асан̣т̣хита̄нам̣ сан̣т̣ха̄панавасена павасато пурисасса бхогабйасане на̄тхата̄, евам̣ путтасинехавасена путтасса ма̄туйа̄ антогехе на̄тхата̄ти вуттам̣ ‘‘ма̄та̄ миттам̣ саке гхаре’’ти. аттхаджа̄тасса̄ти упат̣т̣хитапайоджанасса̄ти аттхоти а̄ха ‘‘уппаннакиччасса̄’’ти. сампара̄йахитанти сампара̄йе хита̄вахам̣.

миттасуттаван̣н̣ана̄ нит̣т̣хита̄.