1. джара̄суттаван̣н̣ана̄

51. хитасса са̄дханато са̄дху, йам̣ кин̃чи аттхаджа̄там̣. там̣ пана аттхака̄мена лабхитаббато упасевитаббато ладдхакам̣, калйа̄н̣ат̣т̣хена бхаддаканти вуччатӣти а̄ха ‘‘са̄дхӯти ладдхакам̣ бхаддака’’нти. ‘‘сӣлам̣ йа̄ва джара̄ са̄дхӯ’’ти вуттаматтхам̣ бйатирекато вибха̄ветум̣ ‘‘имина̄ идам̣ дассетӣ’’ти вуттам̣. иданти идам̣ аттхаджа̄там̣.

патит̣т̣хита̄ти читтасанта̄не ладдхапатит̣т̣ха̄, кеначи асам̣ха̄рийа̄. тена̄ха ‘‘маггена а̄гата̄’’ти. читтӣкатат̣т̣ха̄дӣхӣти пӯджанӣйабха̄ва̄дӣхи. вуттам̣ хетам̣ пора̄н̣ат̣т̣хакатха̄йам̣. читтӣкатанти ратананти идам̣ ратанам̣ на̄ма локе читтӣкатам̣ ваттхӯнам̣ сахассаггханата̄дивасена. йепи локе читтӣката̄ кхаттийапан̣д̣ита-чатумаха̄ра̄джа-сакка-суйа̄ма-маха̄брахма̄дайо, тесам̣ читтӣкато техи саран̣анти упагантаббата̄дивасена. ратикаранти пӣтисукха̄вахам̣. джха̄наратисукхена̄ти дувидхенапи джха̄наратисукхена. тулетунти париччхиндитум̣. гун̣апа̄раминти гун̣а̄нам̣ уккам̣сапа̄рамим̣. дуллабхо анека̄ни асан̇кхйеййа̄ни атидха̄витва̄пи ладдхум̣ асаккун̣еййатта̄. аномоти анӯно парипун̣н̣о. таттха висесато аномасаттапарибхогато техи ‘‘самма̄самбуддхо бхагава̄’’ти ануссаритаббатоти а̄ха ‘‘бхагава̄ аномо сӣлена̄’’тиа̄ди.

арийамаггапан̃н̃а̄йева идха адхиппета̄ти ‘‘идха пана дуллабхапа̄тубха̄ват̣т̣хена пан̃н̃а̄ ‘ратана’нти вутта’’нти а̄ха. пуджджапхаланиббаттанато, аттано санта̄нам̣ пуна̄тӣти ча пун̃н̃ачетана̄ пун̃н̃ам̣, са̄ пана йасса уппанна̄, тассева а̄вен̣иката̄йа анан̃н̃аса̄дха̄ран̣атта̄ кеначипи ана̄хат̣а̄, ат̣т̣хакатха̄йам̣ пана ‘‘арӯпатта̄’’ти вуттам̣.

джара̄суттаван̣н̣ана̄ нит̣т̣хита̄.