1. а̄диттасуттаван̣н̣ана̄

41. сӣсанти десана̄падесо, десана̄йа ан̃н̃есупи ваттаббесу кассачидева сӣсабха̄гена ападисанам̣. тена̄ха ‘‘ра̄га̄дӣхӣ’’тиа̄ди. да̄нена̄ти аттано сантакасса паресам̣ париччаджанена. там̣ пана париччаджанам̣ четана̄йа хотӣти а̄ха ‘‘да̄начетана̄йа̄’’ти да̄напун̃н̃ачетана̄ти да̄намайа̄ пун̃н̃ачетана̄ да̄йакассева хоти там̣сантатипарийа̄паннатта̄. нӣхатабхан̣д̣аканти а̄диттагехато бахи никкха̄митам̣ бхан̣д̣акам̣. етанти ‘‘диннам̣ хотӣ’’тиа̄дивачанам̣. адиннети да̄намукхе анийун̃джите бхоге. ‘‘антена̄’’ти джӣвитасса анто адхиппетоти а̄ха ‘‘маран̣ена̄’’ти. мама̄ти париггахитатта̄ париггаха̄, бхога̄. тепи кеначи а̄ка̄рена вина̄сам̣ анупагата̄ маран̣ена пахӣйанти на̄ма̄ти вуттам̣ ‘‘чора̄дӣнам̣ васена авинат̣т̣хабхоге’’ти. собхана̄ аггабхӯта̄ рӯпа̄дайо еттха̄ти сагго, там̣ саггам̣.

а̄диттасуттаван̣н̣ана̄ нит̣т̣хита̄.