7. сарасуттаван̣н̣ана̄

27. саран̣ато авиччхедавасена паваттанато кхандха̄дӣнам̣ пат̣ипа̄т̣и сара̄. тена̄ха ‘‘име сам̣са̄расара̄’’ти. кутоти кена ка̄ран̣ена, кимхи ва̄? тена̄ха ‘‘ким̣ а̄гамма̄’’ти? на патит̣т̣ха̄ти паччайа̄бха̄вато. а̄потиа̄дина̄ па̄л̣ийам̣ чатуннам̣ маха̄бхӯта̄нам̣ аппатит̣т̣ха̄на̄падесена таттха ка̄марӯпабхава̄нам̣ абха̄во дассито. тадубхайа̄бха̄вадассанена хет̣т̣ха̄ вуттанайенева арӯпабхавассапи абха̄во дасситова хоти, йатха̄рутавасена ва̄ еттха аттхо ведитаббо. йасма̄ пурима̄ две гахита̄, гахитан̃ча аттхам̣ париггахетва̄ва паччхиматтхо паваттоти.

сарасуттаван̣н̣ана̄ нит̣т̣хита̄.