9. кут̣ика̄суттаван̣н̣ана̄

19. антоти куччхиаббхантаре. васанат̣т̣ха̄нат̣т̣хена̄ти васанабха̄вена. кулапавен̣инти кула̄ча̄рам̣ кулатантим̣. санта̄накат̣т̣хена̄ти куласантатийа̄ бандханабха̄вена. евам̣ саббападехи пуччхитаттхасса ануджа̄нанавасена ‘‘екам̣савачане нипа̄то’’ти вуттам̣. а̄па̄дика̄ посика̄ ма̄туччха̄ маха̄паджа̄пати ма̄та̄ ева̄ти катва̄ ‘‘паха̄йа паббаджитатта̄’’ти ависесато вуттам̣. паха̄йа паббаджитатта̄ наттхӣти а̄нетва̄ самбандхо. пуна ма̄тукуччхива̄са̄дӣнам̣ абха̄вавачаненева ват̣т̣амхи бандханасса абха̄во дӣпито хотӣти на гахито. айам̣ кира девата̄ йатха̄ путхуджджана̄ буддха̄нам̣ гун̣е на джа̄нанти, евам̣ на джа̄на̄ти, тасма̄ ‘‘майа̄ санна̄хам̣ бандхитва̄’’тиа̄дима̄ха.

кут̣ика̄суттаван̣н̣ана̄ нит̣т̣хита̄.