7. тин̣аваттха̄рака̄дикатха̄

212. каккхал̣ата̄йа ва̄л̣ата̄йа̄ти еттха каккхал̣асса бха̄во каккхал̣ата̄, ва̄л̣асса бха̄во ва̄л̣ата̄ти вачанаттхам̣ дассенто а̄ха ‘‘каккхал̣абха̄ва̄йа чева ва̄л̣абха̄ва̄йа ча̄’’ти. имина̄ та̄паччайасса самӯхаттхан̃ча сваттхан̃ча пат̣иккхипати. ‘‘каккхал̣ата̄йа ва̄л̣ата̄йа̄’’ти бйан̃джанатойева на̄нам̣, на аттхато. бхеда̄йа̄ти еттха ан̃н̃асса бхедам̣ пат̣иккхипанто а̄ха ‘‘сан̇гхабхеда̄йа̄’’ти. гила̄непӣти писаддо ан̃н̃е пана ка̄ катха̄ти дассети. таттхева̄ти адхикаран̣авӯпасамат̣т̣ха̄нейева. ‘‘екато’’ти имина̄ екаджджханти падасса ‘‘екато’’ти падена сама̄натам̣ дассети, екасаддато джджхапаччайо ча топаччайо ча висесо, ‘‘тин̣аваттха̄ракасадисатта̄’’ти имина̄ садисӯпача̄рам̣ дассети. тин̣ехи аваттхаритаббанти тин̣аваттха̄рам̣, гӯтхамуттам̣, тин̣аваттха̄рамива тин̣аваттха̄ракам̣. еттха адхикаран̣амева мукхйато лаббхати, саматхо пана пхалӯпача̄рато, садисаттхе капаччайо. тамеваттхам̣ па̄кат̣ам̣ каронто а̄ха ‘‘йатха̄ хӣ’’тиа̄ди. гхат̣т̣ийама̄нам̣ гӯтхам̣ ва̄ муттам̣ ва̄ти йоджана̄. ‘‘гхат̣т̣ийама̄на’’нти падам̣ хетуантогадхависесанам̣, ‘‘ба̄дхатӣ’’ти имина̄ самбандхитаббам̣. суппат̣иччха̄дитасса пана асса гӯтхамуттасса̄ти йоджана̄. ‘‘суппат̣иччха̄дитасса̄’’ти падампи хетуантогадхависесанамева, ‘‘на ба̄дхатӣ’’ти имина̄ самбандхитаббам̣. йам̣ адхикаран̣ам̣ сам̣ваттатӣти самбандхо. мӯла̄нумӯланти мӯлан̃ча анумӯлан̃ча мӯла̄нумӯлам̣. танти адхикаран̣ам̣. имина̄ каммена̄ти тин̣аваттха̄ракакаммена. гӯтхам̣ тин̣ехи пат̣иччханнам̣ сувӯпасантам̣ хоти вийа тин̣аваттха̄ракена пат̣иччханнам̣ сувӯпасантам̣ хотӣти йоджана̄. итӣти тасма̄.

213. тхуллаваджджанти еттха тхуллаччайасса̄пи тхуллаваджджатта̄ идха па̄ра̄джикасан̇гха̄дисесамева̄дхиппетанти а̄ха ‘‘па̄ра̄джикан̃чева сан̇гха̄дисесан̃ча̄’’ти. гихипат̣исам̣йуттанти еттха гихӣнам̣ пат̣исам̣йуттам̣ гихипат̣исам̣йуттанти вачанаттхам̣ дассенто а̄ха ‘‘гихӣна’’нтиа̄ди. ‘‘хӣнена̄’’ти падам̣ ‘‘кхум̣санавамбхана’’ ити паденева самбандхитаббам̣. дхаммикапат̣иссавесӯти нимиттаттхе бхуммавачанам̣.

214. каммава̄ча̄парийоса̄не вут̣т̣хита̄ хонтӣти самбандхо. таттха̄ти адхикаран̣авӯпасамат̣т̣ха̄не. ан̃н̃а̄вихита̄пӣти адхикаран̣авиниччхайато ан̃н̃асмим̣ т̣ха̄не читтам̣ а̄вихита̄пи т̣хапита̄пи. упасампадаман̣д̣алатоти упасампадасӣмабимбато, йе пана̄ти бхиккхӯ пана, дит̣т̣ха̄викаммам̣ каронтӣти ва̄ ана̄гата̄ти ва̄ нисинна̄ти ва̄ самбандхо. техи ва̄ти адхикаран̣ам̣ виниччхинантехи бхиккхӯхи ва̄. таттха̄ти адхикаран̣авиниччхитат̣т̣ха̄нам̣. чхандам̣ датва̄ти чхандам̣ сан̇гхасса датва̄. паривен̣а̄дӣсӯтиа̄дисаддена а̄ва̄са̄дайо сан̇ган̣ха̄ти. тети бхиккхӯ.