230. сан̇гхе бхинне чӣваруппа̄дакатха̄

376. сан̇гхо бхиджджатӣти еттха двикот̣т̣ха̄савасена бхиджджанамева̄дхиппетам̣, на ан̃н̃анти а̄ха ‘‘две кот̣т̣ха̄са̄’’ти. екасмим̣ паккхе чӣвара̄ни дентӣти йоджана̄. двипаккхам̣ сандха̄йа ‘‘сакаласса сан̇гхасса̄’’ти вуттам̣. етанти чӣварам̣. тассева чӣваранти тасса кот̣т̣ха̄сасса чӣварамева. йаттха̄ти йасмим̣ десе. даккхин̣одакам̣ пама̄н̣анти даккхин̣одакамева пама̄н̣ам̣, на деййадхаммо. тасма̄ даккхин̣одакам̣ пат̣игган̣ханта̄, деййадхаммасса са̄мино хонтӣти адхиппа̄йо. убхохипи паккхехӣти йоджана̄. парасамуддети джамбудӣпе. со хи сӣхал̣адӣпато самуддасса па̄ратта̄ парасамуддоти вуччати. итаро паккхоти даккхин̣одакасса ча чӣварасса ча ладдхапаккхато итаро аладдхо паккхо.