227. кусачӣра̄дипат̣иккхепакатха̄

371. ‘‘аккана̄л̣амайа’’нти имина̄ аккана̄л̣ена ниббаттам̣ аккана̄л̣анти вачанаттхам̣ дассети. макачимайоти еттха макачисаддена поттхакасаддасса гантха̄дайо аттхе ниваттети. майасаддена пуриманайенева ниббаттатаддхитам̣ дассети. сеса̄нӣти аккана̄л̣апоттхакехи сеса̄ни кусачӣра̄дӣни. тесӯти кусачӣра̄дӣсу.

372. типат̣т̣ачӣварасса ва̄ти идам̣ двипат̣т̣ачӣварасса маджджхе да̄нам̣ сандха̄йа вуттам̣. тесанти саббанӣлака̄дӣнам̣. кан̃чуканти ва̄ран̣ам̣. тан̃хи качийати ка̄йе бандхийатӣти кан̃чукоти вуччати. вет̣ханепӣти ун̣хӣсепи. тан̃хи йасма̄ йена сӣсе вет̣хийати, тасма̄ вет̣хананти вуччати. руккхачхаллимайанти еттха руккхачхаллисаддена тирӣт̣асаддасса ваккалаттхам̣ дассети. ваккалан̃хи нивасана̄нам̣ ан̇гапаччан̇гам̣ тиробха̄вам̣ пат̣иччханнабха̄вам̣ ети гаччхати анена̄ти ва̄ руккхам̣ тиропат̣иччханнам̣ хутва̄ ети паваттатӣти ва̄ тирӣт̣анти вуччати. абхидха̄не (абхидха̄наппадӣпика̄йам̣ 442 га̄тха̄йам̣) пана тарӣт̣анти така̄ре ика̄равирахито па̄т̣хо аттхи. па̄дапун̃джананти па̄до пуджийати содхийати анена̄ти па̄дапун̃джанам̣, та̄луджо татийаккхаро.

374. санте патирӯпаке га̄хакети еттха патирӯпако на̄ма паккамантасса бхиккхуно сандит̣т̣хасамбхатто. имина̄ патирӯпаке га̄хаке асати адатва̄ сан̇гхена бха̄джите субха̄джитамева̄ти дассети. сатта джана̄ти паккамантаумматтакакхиттачиттаведанат̣т̣а̄ чатта̄ро, уккхиттака̄ тайоти сатта джана̄.