218. атирекачӣвара̄дикатха̄

348. аччхупеййанти еттха аччхи вуччати неттаман̣д̣алам̣, там̣ вийа̄ти аччхи чхиддо, тасмим̣ упагантаббам̣ упанетаббанти аччхупеййам̣. ‘‘лагга̄пеййа’’нти имина̄ адхиппа̄йаттхам̣ дассети. еттха̄ти пам̣сукӯле. саббамиданти ‘‘дигун̣ам̣ сан̇гха̄т̣и’’нтиа̄дикам̣ саббам̣ идам̣ вачанам̣. уддхаритва̄ти апанетва̄. сам̣сиббитанти ан̃н̃аман̃н̃ам̣ самбандхитва̄ сиббитам̣.

351. соваггиканти еттха сундара̄ни агга̄ни рӯпа̄дӣни еттха̄ти сагго, пуббападе ука̄расса лопо, ука̄расса ува̄десе ‘‘сувагго’’ти сиджджхати. суваггаппаттахетукам̣ соваггикам̣, да̄нам̣, таматтхам̣ дассенто а̄ха ‘‘саггаппаттахетука’’нти. ‘‘апанетӣ’’ти имина̄ нудадха̄туйа̄ апанайанаттхам̣ дассети. ана̄майа̄ти еттха а̄майасаддо рогапарийа̄йоти а̄ха ‘‘арога̄’’ти. наттхи а̄майо етисса̄ти ана̄майа̄.

353. джха̄нала̄бхиноти джха̄нала̄бхӣнам̣ путхуджджана̄нам̣ ка̄маччханданӣваран̣асса виккхамбханатта̄ вуттам̣.

356. самодха̄навасена дассийиттха̄ти сандит̣т̣хо. самодха̄навасена бхаджийиттха̄ти самбхатто. абхимукхам̣ лапиттха̄ти а̄лапито. имехӣти имехи двӣхи.