221. паччхимавикаппанупагачӣвара̄дикатха̄

359. катапам̣сукӯлоти като пам̣сукӯло. имина̄ ‘‘пам̣сукӯлато’’ти падасса висесанапарападаттам̣ дассети. аггал̣а̄ропанена̄ти аггал̣асса а̄ропанена. ‘‘суттенева̄’’ти еттха евасаддена пилотикам̣ ниваттети. ан̃чхитва̄ ан̃чхитва̄ти а̄кад̣д̣хитва̄ а̄кад̣д̣хитва̄. абхидха̄ту хи а̄кад̣д̣ханаттхо. ‘‘сан̇гха̄т̣икон̣о дӣгхо’’ти имина̄ викан̣н̣оти еттха висамо кан̣н̣о викан̣н̣оти катва̄ кан̣н̣асаддасса кон̣аттхам̣ дассети. татоти гал̣анато. луджджантӣти валим̣ ган̣ханти. ат̣т̣хападаканти падасса ат̣т̣хападена сиббитам̣ ат̣т̣хападаканти вачанаттхам̣ дассенто а̄ха ‘‘ат̣т̣хападакаччхиннена паттамукхам̣ сиббиту’’нти. таттха ат̣т̣хападакаччхиннена паттамукхам̣ сиббитунти ат̣т̣хападаликханена таттха таттха габбхам̣ дассетва̄ паттамукхам̣ сиббитум̣. ‘‘ат̣т̣хападакаччханнена̄’’типи па̄т̣хо, ат̣т̣хапхалака̄ка̄рена̄ти аттхо.

360. ‘‘а̄гантукапаттампи да̄ту’’нти имина̄ анва̄диканти падасса анупаччха̄ а̄гантукабха̄вена дӣйатӣти анва̄диканти вачанаттхам̣ дассети. чатуттхаккхаренапи па̄т̣хо, анупаччха̄ а̄гантукабха̄вена дхӣйати т̣хапӣйатӣти анва̄дхиканти ка̄таббо. идам̣ пана̄ти анва̄дхикам̣ пана.

361. сесан̃а̄тӣнанти ма̄та̄питӯхи сесан̃а̄тӣнам̣. винипа̄тетийева̄ти винассанто нипа̄тетийева.

362. ‘‘вассико’’ти сан̇кетӣйати ган̣хӣйатӣти вассикасан̇кетанти вутте чатта̄ро ма̄са̄ти а̄ха ‘‘чатта̄ро ма̄се’’ти. хӣти саччам̣, йасма̄ ва̄. а̄ран̃н̃акасса бхиккхуноти самбандхо. тена̄ти а̄ран̃н̃акена бхиккхуна̄.