163. гул̣а̄диануджа̄нанакатха̄

272. хӣти саччам̣. паккатта̄ти мугга̄нам̣ паккабха̄вато. тети мугга̄.

274. акаппийакут̣ийанти акаппийакут̣ийа̄ анто. асса̄ти бхиккхуно на ват̣т̣атӣти самбандхо. тампӣти ун̣хайа̄гумпи. писаддена пагева а̄мисам̣ пачитунти дассети. уттан̣д̣улабхаттанти паккатан̣д̣улато вийоготи уттан̣д̣уло, ука̄ро хи вийогаттхава̄чако, апаккатан̣д̣улоти аттхо. уттан̣д̣уламайам̣ бхаттанти уттан̣д̣улабхаттам̣. саким̣ кутхитесу кхӣратакка̄дӣсу аггим̣ да̄тум̣ ват̣т̣атӣти йоджана̄. бил̣а̄ла̄дӣнам̣ сатта̄нам̣ самӯхо рӯл̣хӣвасена уккапин̣д̣акоти вуччатӣти а̄ха ‘‘бил̣а̄ламӯсикагодха̄ман̇гуса̄’’ти. вигха̄са̄дабха̄вена нихатама̄натта̄ ка̄йава̄чам̣ даметӣти дамако вигха̄са̄доти а̄ха ‘‘вигха̄са̄да̄’’ти.

276. тато нӣхат̣анти еттха тасаддасса висайам̣ дассенто а̄ха ‘‘йаттха̄’’тиа̄ди. йаттха̄ти йасмим̣ т̣ха̄не. нӣхат̣анти нӣхаритва̄ харитам̣.

278. ванат̣т̣хам̣ поккхарат̣т̣ханти еттха ване тит̣т̣хатӣти ванат̣т̣хо, поккхаре тит̣т̣хатӣти поккхарат̣т̣хоти вачанаттхам̣ дассенто а̄ха ‘‘ване чева̄’’тиа̄ди. ‘‘падуминигаччхе’’ти имина̄ поккхарасаддо падумава̄чакоти дассети. йасса бӣджам̣ ан̇курам̣ на джанети, там̣ пхалам̣ абӣджам̣ на̄ма̄ти йоджана̄.