167. саттхакаммапат̣иккхепакатха̄

279. дуккхена рупатӣти дуропайоти дассенто а̄ха ‘‘дуккхена рухатӣ’’ти. саттхакаммам̣ ва̄ ваттхикаммам̣ ва̄ти еттха саттхена ка̄таббам̣ каммам̣ саттхакаммам̣, ваттхипӣл̣анам̣ ка̄таббам̣ каммам̣ ваттхикамманти вачанаттхам̣ дассенто а̄ха ‘‘йатха̄ пат̣иччханне’’тиа̄ди. ‘‘сӯчийа̄ ва̄’’тиа̄дина̄ саттхакамманти еттха ‘‘саттха’’нти падам̣ упалаккхан̣аматтанти дассети. ‘‘саттхена ва̄’’ти падам̣ ‘‘чхинданам̣ ва̄ пха̄ланам̣ ва̄’’типадехи йоджетаббам̣. ‘‘сӯчийа̄ ва̄ кан̣т̣акена ва̄ саттика̄йа ва̄’’типада̄ни ‘‘виджджханам̣ ва̄’’ти падена йоджетабба̄ни. ‘‘па̄са̄н̣асаккхалика̄йа ва̄ накхена ва̄’’ти пада̄ни ‘‘лекханам̣ ва̄’’ти падена йоджетабба̄ни. етанти саттхена чхиндана̄дикаммам̣. еттха ча̄ти саттхакаммаваттхикаммесу. таттха пана̄ти самба̄дхе пана. тена̄ти кха̄ра̄дина̄. ваччамагге йа̄йа бхесаджджамаккхита̄да̄нават̣т̣ийа̄ кха̄ракаммам̣ ва̄ каронти, йа̄йа вел̣уна̄л̣ика̄йа телам̣ ва̄ павесенти, са̄ бхесаджджамаккхита̄да̄нават̣т̣и ва̄ са̄ вел̣уна̄л̣ика̄ ва̄ ват̣т̣атийева̄ти йоджана̄.

280. там̣ дивасанти тасмим̣ дивасе. кин̃чи саттханти йоджана̄. има̄йа̄ти суппийа̄йа ан̃н̃ам̣ кин̃чи адеййам̣ кимпи бхависсатӣти йоджана̄. йатра на̄ма̄ти еттха трапаччайо ка̄ран̣аттхе хотӣти а̄ха ‘‘йасма̄ на̄ма̄’’ти. ‘‘вӣмам̣сӣ’’ти имина̄ пат̣ивеккхӣти еттха пат̣иавапуббо иккхадха̄ту вӣмам̣санаттхоти дассети. асукамам̣санти асукам̣ мам̣сам̣, асукасса ва̄ саттасса мам̣сам̣.