160. пан̃чабхесаджджа̄дикатха̄

260. бхесаджджаккхандхаке сарадака̄ле уппанно са̄радикоти аттхам̣ дассенто а̄ха ‘‘сарадака̄ле уппаннена̄’’ти. ‘‘питта̄ба̄дхена̄’’ти имина̄ а̄ба̄дхасса сарӯпам̣ дассети. питта̄ба̄дхасса ка̄ран̣ам̣ виттха̄ренто а̄ха ‘‘тасмим̣ хӣ’’тиа̄ди. тена̄ти хетуна̄. тесанти бхиккхӯнам̣. кот̣т̣хаббхантарагатанти кот̣т̣хасса аббхантарам̣ гатам̣. антасса анто пависанам̣ хотӣти адхиппа̄йо. а̄ха̄раттханти а̄ха̄расса киччам̣, а̄ха̄рена ва̄ каттаббам̣ киччам̣.

261. наччха̄дентӣти та̄ни бхесаджджа̄ни бходжана̄ни наччха̄денти. касма̄? бходжана̄нам̣ аджӣран̣атта̄. ити имаматтхам̣ дассенто а̄ха ‘‘на джӣрантӣ’’ти. наччха̄датта̄ на ва̄тарогам̣ пат̣иппассамбхетум̣ сакконти. еттха ча ‘‘на джӣрантӣ’’ти имина̄ наччха̄данасса ка̄ран̣ам̣ дассети. ‘‘на ва̄та…пе… сакконтӣ’’ти имина̄ тассева пхалам̣ дассетӣти дат̣т̣хаббам̣. ‘‘синиддха̄нӣ’’ти имина̄ синихантӣти сенехика̄нӣти аттхам̣ дассети. бхаттаччханнакена̄ти еттха бхаттасса аччханнакам̣ на̄ма бхаттасса арочикам̣ бхаттасса ручийа̄ ануппа̄даканти а̄ха ‘‘бхатта̄рочакена̄’’ти.

262. аччхавасантиа̄дӣсу виниччхайо ведитабботи йоджана̄. па̄л̣ийам̣ ‘‘пат̣иггахитам̣ ниппаккам̣ сам̣сат̣т̣ха’’нти пада̄нам̣ кирийа̄висесанам̣ катва̄ ‘‘парибхун̃джиту’’нти падена самбандхитаббабха̄вам̣ дассетум̣ вуттам̣ ‘‘ка̄ле пат̣иггахитанти а̄дӣсӯ’’тиа̄ди. телапарибхогена парибхун̃джитунти еттха киттакам̣ ка̄лам̣ телапарибхогена парибхун̃джитаббанти а̄ха ‘‘сатта̄хака̄ла’’нти.