1. ачелакасиккха̄пада-аттхайоджана̄

269. ачелакаваггасса пат̣хаме паривисати еттха̄ти паривесананти дассенто а̄ха ‘‘паривесанат̣т̣ха̄на’’нти. парибба̄джакапаббаджасадда̄ сама̄на̄ти а̄ха ‘‘парибба̄джакасама̄панноти паббаджджам̣ сама̄панно’’ти. титтхена самам̣ пӯратӣти саматиттхӣкам̣, надӣа̄дӣсу удакам̣, саматиттхикам̣ вийа̄ти саматиттхикам̣, паттабха̄джанесу йа̄губхаттам̣. тесанти ма̄та̄питӯнам̣ дентасса̄ти самбандхо. ‘‘да̄петӣ’’ти еттха да̄дха̄туйа̄ сампада̄насса сувиджа̄нитатта̄ там̣ адассетва̄ ка̄ритакаммамева дассенто а̄ха ‘‘анупасампаннена̄’’ти.

273. ‘‘сантике’’тиимина̄ ‘‘упаниккхипитва̄’’ти еттха упасаддасса самӣпаттхам̣ дассети. тесанти титтхийа̄нам̣. таттха̄ти бха̄джане. итоти паттато. идха̄ти майхам̣ бха̄джане. нанти кха̄данӣйабходжанӣйам̣. тасса̄ти титтхийасса̄ти. пат̣хамам̣.