2. уййоджанасиккха̄падам̣

274. дутийе пат̣иккаманаасанаса̄ласадда̄нам̣ парийа̄йатта̄ вуттам̣ ‘‘асанаса̄ла̄йапӣ’’ти. бхаттасса виссаджджанам̣ бхаттависсагготи кате бхаттакиччанти а̄ха ‘‘бхаттакичча’’нти. самбхӯдха̄тусса папуббаападха̄тваттхатта̄ вуттам̣ ‘‘на па̄пун̣ӣ’’ти.

276. вутта̄васесанти вуттехи ма̄туга̄мена саддхим̣ хаситука̄мата̄дӣхи авасесам̣. тасминти уййоджитабхиккхумхи. аттхатоти виджахантавиджахитабхиккхӯнам̣ авина̄бха̄васан̇кха̄тааттхато. итарена̄ти уййоджакабхиккхуна̄. таттха̄ти ‘‘дассанӯпача̄рам̣ ва̄ саванӯпача̄рам̣ ва̄’’тивачане. еттха̄ти ниддха̄ран̣асамуда̄йо, дассанӯпача̄расаванӯпача̄ресӯти аттхо. ‘‘татха̄тиимина̄ два̄дасахаттхапама̄н̣ам̣ атидисати. техӣти кут̣т̣а̄дӣхи. тасса̄ти дассанӯпача̄ра̄тиккамасса. ‘‘вуттапака̄рамана̄ча̄ра’’нти имина̄ ‘‘на ан̃н̃о кочи паччайо’’ти еттха ан̃н̃асаддасса апа̄да̄нам̣ дассети, ‘‘ка̄ран̣а’’нтиимина̄ паччайасаддассаттхам̣.

277. калисаддасса па̄папара̄джайасан̇кха̄тесу двӣсу аттхесу па̄пасан̇кха̄то кодхоти а̄ха ‘‘калӣти кодхо’’ти. ‘‘а̄н̣а’’нтиимина̄ са̄санасаддассаттхам̣ дассети. вуттан̃хи ‘‘а̄н̣а̄ ча са̄санам̣ н̃еййа’’нти. кодхавасена вадатӣти самбандхо. дассетва̄ вадатӣти йоджана̄. имасса т̣ха̄нам̣ нисаджджам̣ а̄локитам̣ вилокитам̣ пассатха бхоти йоджана̄. имина̄пӣти амана̄павачанам̣ вачанена̄пӣти. дутийам̣.