2. а̄нандабхаддекараттасуттаван̣н̣ана̄

276. бахиддха̄ путхутта̄рамман̣ато ниваттетва̄ екасмим̣йева а̄рамман̣е читтасса саммадева лайанам̣ аппанам̣ пат̣исалла̄нам̣, йо кочи сама̄паттивиха̄ро, идха пана арийавиха̄ро адхиппетоти а̄ха – ‘‘пат̣исалла̄на̄ вут̣т̣хито’’тиа̄ди. джа̄нантова бхагава̄ катха̄самут̣т̣ха̄панаттхам̣ пуччхи. вуттан̃хетам̣ – ‘‘джа̄нанта̄пи татха̄гата̄ пуччханти, джа̄нанта̄пи на пуччхантӣ’’тиа̄ди (па̄ра̄. 16).

278. са̄дхука̄рамада̄сӣти са̄дхусаддам̣ са̄веси. там̣ пана пасам̣са̄ хотӣти пасам̣саттхо са̄дхусаддо. тена̄ха ‘‘десанам̣ пасам̣санто’’ти. виджджама̄нехи ван̣н̣ехи гун̣аванте удаггата̄каран̣ам̣ сампахам̣санам̣, кевалам̣ гун̣асам̣киттанавасена тхомана̄ пасам̣са̄ти айаметесам̣ висесо.

а̄нандабхаддекараттасуттаван̣н̣ана̄йа лӣнаттхаппака̄сана̄ саматта̄.