13. содханаха̄равибхан̇гаван̣н̣ана̄

45. содхети на̄ма̄ти пуччхитаматтхам̣ хаттхатале т̣хапитаа̄малакам̣ вийа паччаккхато дассенто ниггумбам̣ ниджджат̣ам̣ катва̄ виваранто таббисайаан̃н̃а̄н̣асам̣сайа̄димала̄панайанена содхети, евам̣ содхенто ча падасса аттхена абхедопача̄рам̣ катва̄ ‘‘падам̣ содхети’’ччева вуччати. тена̄ха ‘‘падам̣ содхети на̄ма̄’’ти. пуччха̄йа виссаджджанамеветтха содхананти а̄ха ‘‘тадаттхасса виссаджджанато’’ти. а̄рабхӣйатӣти а̄рамбхо, десана̄йа пака̄сийама̄но аттхо. тена̄ха ‘‘на та̄ва…пе… пабодхитатта̄’’ти. идха содханам̣ на̄ма пат̣иччханнарӯпасса аттхасса десана̄нубха̄вена виват̣абха̄вакаран̣анти таматтхам̣ упама̄йа вибха̄ветум̣ ‘‘ан̃н̃а̄н̣апаккханда̄на’’нтиа̄ди вуттам̣.

содханаха̄равибхан̇гаван̣н̣ана̄ нит̣т̣хита̄.