46. сам̣вараниддесаван̣н̣ана̄

453. сам̣варан̣ам̣ чаккхудва̄ра̄дӣнам̣ сатикава̄т̣ена пидаханам̣ сам̣варо. таттха кин̃ча̄пи чаккхундрийе сам̣варо наттхи, на хи чаккхупаса̄дам̣ нисса̄йа сати уппаджджати, нева бхаван̇гасамайе а̄ваджджана̄дӣнам̣ ан̃н̃атарасамайе, джаванаккхан̣е пана уппаджджатӣти тада̄ сам̣варо хоти, евам̣ хонте пана со чаккхудва̄ра̄дӣнам̣ сам̣вароти вуччати. чаккхусота̄дибхедехӣти чаккху ча сотан̃ча, та̄ни а̄ди йесам̣, тева бхеда̄ ча̄ти сама̄со, техи два̄рехи. абхиджджха̄диппаваттийа̄ аччантопака̄ракатта̄ каран̣аттхе четтха татийа̄. етена чаккхусотагха̄надживха̄ка̄йаманасан̇кха̄та̄ни два̄ра̄ни вутта̄ни. рӯпасадда̄дигочарети рӯпасаддагандхарасапхот̣т̣хаббадхаммасан̇кха̄те висайе. абхиджджха̄доманасса̄диппаваттинти еттха парасампаттим̣ абхимукхам̣ джха̄йатӣти абхиджджха̄, балаватан̣ха̄. а̄ди-саддена миччха̄дит̣т̣хиа̄дайо анеке акусала̄ дхамма̄ сан̇гахита̄.

454. сакам̣ читтам̣ кит̣т̣ха̄дим̣ дуппасум̣ вийа нигган̣хеййа̄ти самбандхо. кит̣т̣ханти кит̣т̣хат̣т̣ха̄не уппаннам̣ сассам̣ гахитам̣. кит̣т̣хам̣ адатӣти кит̣т̣ха̄ди, там̣. сампаджа̄ноти са̄ттхакасаппа̄йагочараасаммохасан̇кха̄тена чатусампаджан̃н̃ена самма̄ паджа̄но. имина̄ индрийасам̣варасӣлам̣ катхитам̣.

сам̣вараниддесаван̣н̣ана̄ нит̣т̣хита̄.