8. упассутисиккха̄падаван̣н̣ана̄

упассутинти йатха̄ упакуджджхам̣ ‘‘самӣпакуджджха’’нти вуччати, татха̄ упассути ‘‘самӣпассутӣ’’ти ведитабба̄. йаттха т̣хито сун̣а̄ти, там̣ т̣ха̄нанти аттхо. сутӣти панеттха паресам̣ вачанасаддо ча. со хи суййатӣти сути на̄ма. упасуййати ва̄ еттха̄ти упассути. ока̄со хи сути на̄ма. имесам̣ сутва̄ти еттха ‘‘вачана’’нти па̄т̣хасесо.

самут̣т̣ха̄на̄дӣни атӣтадвайасадиса̄нӣти на гахетабба̄ни. тхеййасаттхасамут̣т̣ха̄нам̣. сийа̄ кирийам̣ гантва̄ саване. сийа̄ акирийам̣ т̣хитат̣т̣ха̄нам̣ а̄гантва̄ ваданта̄нам̣ аджа̄на̄панавасена самут̣т̣ха̄нато. ‘‘сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведана’’нти ликхитам̣.

упассутисиккха̄падаван̣н̣ана̄ нит̣т̣хита̄.