9. каммаппат̣иба̄ханасиккха̄падаван̣н̣ана̄

аппаматтакависсаджджанакена пана чӣварам̣ каронтасса сена̄санаккхандхакаван̣н̣ана̄йам̣ (чӯл̣ава. 328) вуттаппабхеда̄ни сӯчиа̄дӣни анапалокетва̄пи да̄табба̄ни. тато атирекам̣ дентена апалоканакаммам̣ ка̄таббам̣. евам̣ катам̣ пана апалоканам̣ каммалаккхан̣амева̄ти адхиппа̄йо. евам̣ саббаттха каммалаккхан̣ам̣ ведитаббам̣. га̄масӣма̄виха̄ресу оса̄ран̣а̄дӣни сан̇гхакамма̄нийева на ват̣т̣анти. виссаджджийавебхан̇гийа̄ни пана ват̣т̣анти. ‘‘сан̇гхасса сантака’’нти са̄ман̃н̃ато аватва̄ ‘‘имасмим̣ виха̄ре сан̇гхасса сантака’’нти апалокетаббанти ча, ‘‘самут̣т̣ха̄на̄дӣни адинна̄да̄насадиса̄ни, идам̣ пана дуккхаведана’’нти па̄т̣хоти ча ликхитам̣.

каммаппат̣иба̄ханасиккха̄падаван̣н̣ана̄ нит̣т̣хита̄.