3. моханасиккха̄падаван̣н̣ана̄

тасмим̣ ана̄ча̄рети тасмим̣ ана̄ча̄ре а̄чин̣н̣е. моккхо наттхӣти тасса̄ а̄паттийа̄ моккхо наттхи. тасса тети тасса тава. ала̄бха̄ти йе ан̃н̃есам̣ па̄тимоккхе уддиссама̄не са̄дхукам̣ ат̣т̣хим̣ катва̄ манасикаран̣асса а̄нисам̣сасан̃н̃ита̄ дит̣т̣хадхаммикасампара̄йика̄ ча ла̄бха̄ иччхитабба̄, те саббе туйхам̣ ала̄бха̄ ева хонти. дулладдханти пун̃н̃ависесена ладдхампи мануссаттам̣ дулладдхам̣. са̄дхуканти сут̣т̣ху. ат̣т̣хим̣ катва̄ти аттхикабха̄вам̣ катва̄, аттхико хутва̄ти вуттам̣ хоти. н̃аттидутийена каммена̄ти ‘‘сун̣а̄ту ме, бханте, сан̇гхо’’тиа̄дина̄ (па̄чи. 446) падабха̄джанийам̣ вуттена моха̄ропанакена н̃аттидутийена каммена.

адхаммакаммети еттха моха̄ропанакаммам̣ адхиппетам̣.

моханасиккха̄падаван̣н̣ана̄ нит̣т̣хита̄.