7. маха̄песака̄расиккха̄падаван̣н̣ана̄

чӣвараса̄микехи пуббе аппава̄рито хутва̄ти ‘‘кӣдисена те, бханте, чӣварена аттхо, кӣдисам̣ те чӣварам̣ ва̄йа̄пеми, вада, бханте, йадиччхасӣ’’ти чӣвараса̄микехи пуббе авутто хутва̄. еттха ча а̄йата̄дӣхи тӣхи суттавад̣д̣хана̄ка̄рена саха ва̄йана̄ка̄рам̣ дассети, сувӣта̄дӣхи чатӯхи ва̄йана̄ка̄рамева. ‘‘кин̃чиматтам̣ анупададжджеййа̄ма̄’’тиа̄ди тасса каттабба̄ка̄раматтадассанам̣, на пана ан̇гадассанам̣ суттавад̣д̣ханавасенева а̄паджджитаббатта̄ти а̄ха ‘‘на бхиккхуно пин̣д̣апа̄тада̄наматтена̄’’тиа̄ди. еттха ча ‘‘идам̣ ме, бханте, чӣварам̣ пуббе аппава̄ритена ан̃н̃а̄такасса гахапатикасса тантава̄йе упасан̇камитва̄ чӣваре викаппам̣ а̄паннам̣ ниссаггийа’’нти (па̄ра̄. 643) имина̄ найена ниссаджджанавидха̄нам̣ ведитаббам̣. тикапа̄читтийанти ан̃н̃а̄таке ан̃н̃а̄такасан̃н̃ивематикан̃а̄такасан̃н̃ӣнам̣ васена тӣн̣и па̄читтийа̄ни.

маха̄песака̄расиккха̄падаван̣н̣ана̄ нит̣т̣хита̄.