7. габбхинӣвагго

1-2. габбхинӣа̄дисиккха̄падаван̣н̣ана̄

пат̣хамам̣ утта̄наттхамева.

тхане бхавам̣ тхан̃н̃ам̣, кхӣрам̣. йам̣ па̄йетӣти йам̣ да̄ракам̣ па̄йети.

габбхинӣа̄дисиккха̄падаван̣н̣ана̄ нит̣т̣хита̄.

3. пат̣хамасиккхама̄насиккха̄падаван̣н̣ана̄

падабха̄джане вуттанайена̄ти ‘‘па̄н̣а̄типа̄та̄ вераман̣им̣ две васса̄ни авӣтиккамма сама̄да̄нам̣ сама̄дийа̄ми…пе… вика̄лабходжана̄ вераман̣им̣ две васса̄ни авӣтиккамма сама̄да̄нам̣ сама̄дийа̄мӣ’’ти (па̄чи. 1079) падабха̄джанасамӣпе ат̣т̣хуппаттийам̣ вуттанайена. има̄ пана чха сиккха̄йо сат̣т̣хивасса̄йапи паббаджита̄йа да̄табба̄йева, на ета̄су асиккхита̄ упасампа̄детабба̄.

пат̣хамасиккхама̄насиккха̄падаван̣н̣ана̄ нит̣т̣хита̄.

4-5. дутийасиккхама̄на̄дисиккха̄падаван̣н̣ана̄

падабха̄джане вутта̄ упасампада̄саммути на динна̄ хотӣти падабха̄джанасамӣпе ат̣т̣хуппаттийам̣ вутта̄ упасампада̄саммути н̃аттидутийа̄йа каммава̄ча̄йа на динна̄ хоти.

пан̃чамам̣ утта̄наттхамева.

дутийасиккхама̄на̄дисиккха̄падаван̣н̣ана̄ нит̣т̣хита̄.

6-10. дутийагихигата̄дисиккха̄падаван̣н̣ана̄

дасавасса̄йа гихигата̄йа сиккха̄саммутим̣ датва̄ парипун̣н̣адва̄дасавассам̣ упасампа̄детум̣ ват̣т̣ати.

саттамаат̣т̣хаманавамадасама̄ни утта̄наттха̄нева.

дутийагихигата̄дисиккха̄падаван̣н̣ана̄ нит̣т̣хита̄.

габбхинӣвагго саттамо.