4. ан̃н̃авин̃н̃а̄панасиккха̄падаван̣н̣ана̄

пат̣ила̄бхена̄ти пат̣хамавин̃н̃аттито ӯнатарасса̄пи ан̃н̃асса пат̣ила̄бхена.

тасмим̣ аппахонте пуна тан̃н̃ева̄ти йам̣ пат̣хамам̣ вин̃н̃аттам̣, тхокатта̄ тасмим̣ аппахонте пуна тан̃н̃ева вин̃н̃а̄пентийа̄ти аттхо. ан̃н̃енапи аттхе сатӣ ти пат̣хамам̣ вин̃н̃аттито ан̃н̃енапи аттхе сати. тена саддхим̣ ан̃н̃ан̃ча̄ти йам̣ пат̣хамам̣ вин̃н̃аттам̣, тена саддхим̣ ан̃н̃ан̃ча. ким̣ вуттам̣ хоти? саче пат̣хамам̣ саппи вин̃н̃аттам̣, ‘‘йамакам̣ пачитабба’’нти ча веджджена вуттатта̄ телена̄пи аттхо хоти. тато ‘‘телена̄пи ме аттхо’’ти евама̄дина̄ ан̃н̃ан̃ча вин̃н̃а̄пентийа̄ти вуттам̣ хоти. а̄нисам̣сам̣ дассетва̄ти ‘‘саче каха̄пан̣асса саппи а̄бхатам̣ хоти, имина̄ мӯлена двигун̣ам̣ телам̣ лаббхати, телена̄пи ча идам̣ киччам̣ ниппаджджати, тасма̄ телам̣ а̄хара̄’’ти евам̣ а̄нисам̣сам̣ дассетва̄.

ан̃н̃авин̃н̃а̄панасиккха̄падаван̣н̣ана̄ нит̣т̣хита̄.