1. паттавагго

1. паттасанничайасиккха̄падаван̣н̣ана̄

пат̣хамам̣ утта̄наттхамева.

паттасанничайасиккха̄падаван̣н̣ана̄ нит̣т̣хита̄.

2. ака̄лачӣварасиккха̄падаван̣н̣ана̄

йам̣ аттана̄ ладдхам̣, там̣ ниссаггийам̣ хотӣти йам̣ чӣварам̣ бха̄джа̄пита̄йа аттана̄ ладдхам̣, тамева ниссаггийам̣ хоти, там̣ винайакаммам̣ катва̄пи аттана̄ на лаббхати. тена̄ха ‘‘ниссат̣т̣ха’’нтиа̄ди. таттха ниссат̣т̣хам̣ пат̣илабхитва̄пӣти ‘‘аййа̄йа, даммӣ’’ти евам̣ ниссат̣т̣хам̣ пат̣илабхитва̄пи. йатха̄да̄нейева упанетаббанти йатха̄ да̄йакехи диннам̣, татхева упанетаббам̣, ака̄лачӣварапаккхейева т̣хапетаббанти вуттам̣ хоти.

ака̄лачӣварасиккха̄падаван̣н̣ана̄ нит̣т̣хита̄.

3. чӣварапариваттанасиккха̄падаван̣н̣ана̄

метанти ме етам̣. сакасан̃н̃а̄йа гахитатта̄ па̄читтийан̃чева дуккат̣ан̃ча вуттам̣, итаратха̄ бхан̣д̣аггхена ка̄ретаббам̣.

чӣварапариваттанасиккха̄падаван̣н̣ана̄ нит̣т̣хита̄.

4. ан̃н̃авин̃н̃а̄панасиккха̄падаван̣н̣ана̄

пат̣ила̄бхена̄ти пат̣хамавин̃н̃аттито ӯнатарасса̄пи ан̃н̃асса пат̣ила̄бхена.

тасмим̣ аппахонте пуна тан̃н̃ева̄ти йам̣ пат̣хамам̣ вин̃н̃аттам̣, тхокатта̄ тасмим̣ аппахонте пуна тан̃н̃ева вин̃н̃а̄пентийа̄ти аттхо. ан̃н̃енапи аттхе сатӣ ти пат̣хамам̣ вин̃н̃аттито ан̃н̃енапи аттхе сати. тена саддхим̣ ан̃н̃ан̃ча̄ти йам̣ пат̣хамам̣ вин̃н̃аттам̣, тена саддхим̣ ан̃н̃ан̃ча. ким̣ вуттам̣ хоти? саче пат̣хамам̣ саппи вин̃н̃аттам̣, ‘‘йамакам̣ пачитабба’’нти ча веджджена вуттатта̄ телена̄пи аттхо хоти. тато ‘‘телена̄пи ме аттхо’’ти евама̄дина̄ ан̃н̃ан̃ча вин̃н̃а̄пентийа̄ти вуттам̣ хоти. а̄нисам̣сам̣ дассетва̄ти ‘‘саче каха̄пан̣асса саппи а̄бхатам̣ хоти, имина̄ мӯлена двигун̣ам̣ телам̣ лаббхати, телена̄пи ча идам̣ киччам̣ ниппаджджати, тасма̄ телам̣ а̄хара̄’’ти евам̣ а̄нисам̣сам̣ дассетва̄.

ан̃н̃авин̃н̃а̄панасиккха̄падаван̣н̣ана̄ нит̣т̣хита̄.

5. ан̃н̃ачета̄панасиккха̄падаван̣н̣ана̄

тато ан̃н̃ам̣ чета̄пеййа̄ти пат̣хамам̣ чета̄питато йам̣ кин̃чи ан̃н̃ам̣ чета̄пеййа.

ан̃н̃ачета̄панасиккха̄падаван̣н̣ана̄ нит̣т̣хита̄.

6. пат̣хамасан̇гхикачета̄панасиккха̄падаван̣н̣ана̄

ан̃н̃ассаттха̄йа диннена̄ти йам̣ чета̄пети, тато ан̃н̃ассаттха̄йа диннена. ан̃н̃уддисикена̄ти пуримассеваттхадӣпанам̣.

сесакам̣ упанентийа̄ти йадаттха̄йа динно, там̣ чета̄петва̄ авасесам̣ ан̃н̃ассаттха̄йа упанентийа̄. са̄мике апалокетва̄ти да̄йаке а̄пуччхитва̄. еварӯпа̄сӯ а̄пада̄су упанентӣнанти еварӯпесу упаддавесу ан̃н̃асса йасса кассачи аттха̄йа упанентӣнам̣.

пат̣хамасан̇гхикачета̄панасиккха̄падаван̣н̣ана̄ нит̣т̣хита̄.

7. дутийасан̇гхикачета̄панасиккха̄падаван̣н̣ана̄

на кевалам̣ тенева париккха̄рена̄ти а̄ха ‘‘сайам̣ йа̄читакена̄пӣ’’ти. вуттан̃хетам̣ па̄л̣ийам̣ ‘‘бхиккхунийо тена ча париккха̄рена сайампи йа̄читва̄ бхесаджджам̣ чета̄петва̄ парибхун̃джим̣сӯ’’ти (па̄чи. 763). ма̄тика̄йам̣ пана гамйама̄натта̄ пи-саддо наппайутто. гамйама̄наттхасса хи саддасса пайогам̣ пати ка̄мача̄роти йутти.

дутийасан̇гхикачета̄панасиккха̄падаван̣н̣ана̄ нит̣т̣хита̄.

8-9-10. пат̣хамаган̣икачета̄пана̄дисиккха̄падаван̣н̣ана̄

ат̣т̣хаманавамадасама̄ни утта̄наттха̄нева.

пат̣хамаган̣икачета̄пана̄дисиккха̄падаван̣н̣ана̄ нит̣т̣хита̄.

паттавагго пат̣хамо.