1. сура̄па̄насиккха̄падаван̣н̣ана̄

сура̄па̄наваггасса пат̣хаме сура̄мерайапа̄нети еттха пит̣т̣ха̄дӣхи катам̣ маджджам̣ сура̄, пуппха̄дӣхи като а̄саво мерайам̣, тадубхайампи бӣджато пат̣т̣ха̄йа кусаггена̄пи пивато пайоге пайоге па̄читтийам̣.

косамбийам̣ са̄гататтхерам̣ а̄раббха маджджапиванаваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, тикапа̄читтийам̣, амадждже маджджасан̃н̃исса, вематикасса ва̄ дуккат̣ам̣. амаджджасан̃н̃исса, амаджджам̣ маджджаван̣н̣агандхарасам̣ лон̣асовӣракам̣ ва̄ суттам̣ ва̄ пивато, ва̄сагга̄ха̄панаттхам̣ ӣсакам̣ маджджам̣ паккхипитва̄ сӯпа̄дӣни пачанти, тесу сӯпасампа̄ка̄дӣсу, а̄малакараса̄дӣхи амаджджам̣ маджджасадисам̣ арит̣т̣хам̣ каронти, там̣ пивато, умматтака̄дӣнан̃ча ана̄патти. маджджабха̄во, тасса па̄нан̃ча̄ти има̄неттха две ан̇га̄ни. самут̣т̣ха̄на̄дӣни ел̣акаломасадиса̄ни, идам̣ пана локаваджджам̣, акусалачиттам̣, тиведананти.

сура̄па̄насиккха̄падаван̣н̣ана̄ нит̣т̣хита̄.