2. ан̇гулипатодакасиккха̄падаван̣н̣ана̄

дутийе ан̇гулипатодакети ан̇гулӣхи упакаччхака̄дигхат̣т̣анам̣ вуччати, апича йена кеначи сарӣра̄вайавена хаса̄дхиппа̄йасса упасампаннам̣ пхусато па̄читтийам̣.

са̄ваттхийам̣ чхаббаггийе а̄раббха ан̇гулипатодакена хасанаваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, тикапа̄читтийам̣, анупасампанне тикадуккат̣ам̣, идха пана бхиккхунӣпи бхиккхусса, бхиккху ча бхиккхунийа̄ анупасампанно ева, ка̄йаппат̣ибаддха̄дӣсу саббаттха дуккат̣амева. на хасана̄дхиппа̄йасса, сати каран̣ӣйе а̄масато, умматтака̄дӣнан̃ча ана̄патти. хаса̄дхиппа̄йата̄, упасампаннасса ка̄йена ка̄йа̄масананти има̄неттха две ан̇га̄ни. самут̣т̣ха̄на̄дӣни пат̣хамапа̄ра̄джикасадиса̄нева̄ти.

ан̇гулипатодакасиккха̄падаван̣н̣ана̄ нит̣т̣хита̄.