3. бхиккхунупассайасиккха̄падаван̣н̣ана̄

татийе бхиккхунупассайанти бхиккхунийа̄ екараттам̣ васанат̣т̣ха̄нампи. овадеййа̄ти идха гарудхаммехи овадантассева па̄читтийам̣. саче пана асаммато хоти, две па̄читтийа̄ни. саче пана сӯрийепи аттхан̇гате овадати, тӣн̣и хонти. самматасса пана раттим̣ овадантассапи две ева хонти. саммататта̄ хи бхиккхусса гарудхаммова̄дамӯлакам̣ па̄читтийам̣ наттхи. гила̄на̄ти на саккоти ова̄да̄йа ва̄ сам̣ва̄са̄йа ва̄ гантум̣.

саккесу чхаббаггийе бхиккхӯ а̄раббха бхиккхунупассайам̣ упасан̇камитва̄ оваданаваттхусмим̣ пан̃н̃аттам̣, ‘‘ан̃н̃атра самайа̄’’ти айаметтха анупан̃н̃атти, аса̄дха̄ран̣апан̃н̃атти, ана̄н̣аттикам̣, тикапа̄читтийам̣, анупасампанна̄йа упасампаннасан̃н̃ино вематикасса ва̄, екатоупасампаннам̣ йена кеначи, итарам̣ ан̃н̃ена дхаммена овадантасса ча дуккат̣ам̣. самайе, анупасампанна̄йа, пуримасиккха̄паде вийа уддеса̄динайена ча ана̄патти. упассайӯпагаманам̣, парипун̣н̣ӯпасампанната̄, самайа̄бха̄во, гарудхаммехи овадананти има̄неттха чатта̄ри ан̇га̄ни. самут̣т̣ха̄на̄дӣни пат̣хамакатхинасадиса̄ни, идам̣ пана кирийам̣ хотӣти.

бхиккхунупассайасиккха̄падаван̣н̣ана̄ нит̣т̣хита̄.