4. а̄мисасиккха̄падаван̣н̣ана̄

чатуттхе а̄мисахетӯти чӣвара̄дӣнам̣ ан̃н̃атарахету. бхиккхӯти саммата̄ бхиккхӯ идха̄дхиппета̄. па̄читтийанти еварӯпе бхиккхӯ аван̣н̣ака̄мата̄йа евам̣ бхан̣антасса па̄читтийам̣.

са̄ваттхийам̣ чхаббаггийе бхиккхӯ а̄раббха ‘‘а̄мисахету овадантӣ’’ти бхан̣анаваттхусмим̣ пан̃н̃аттам̣, аса̄дха̄ран̣апан̃н̃атти, ана̄н̣аттикам̣, дхаммакамме тикапа̄читтийам̣, адхаммакамме тикадуккат̣ам̣, асамматам̣ упасампаннан̃ча, анупасампаннан̃ча самматам̣ ва̄ асамматам̣ ва̄ евам̣ бхан̣антасса дуккат̣амева. таттха йо бхиккху ка̄ле саммутим̣ лабхитва̄ са̄ман̣ерабхӯмийам̣ сан̣т̣хито, айам̣ саммато на̄ма анупасампанно. пакатийа̄ чӣвара̄дихету овадантам̣ пана евам̣ бхан̣антасса, умматтака̄дӣнан̃ча ана̄патти. упасампанната̄, дхаммена ладдхасаммутита̄, ана̄мисантарата̄, аван̣н̣ака̄мата̄йа евам̣ бхан̣ананти има̄неттха чатта̄ри ан̇га̄ни. самут̣т̣ха̄на̄дӣни адинна̄да̄насадиса̄ни, идам̣ пана дуккхаведанамева̄ти.

а̄мисасиккха̄падаван̣н̣ана̄ нит̣т̣хита̄.