12. пан̃ха̄пуччханасиккха̄падаван̣н̣ана̄

два̄дасаме анока̄сакатанти ‘‘асукасмим̣ на̄ма т̣ха̄не пуччха̄мӣ’’ти евам̣ акатаока̄сам̣, тасма̄ суттанте ока̄сам̣ ка̄ра̄петва̄ винайам̣ ва̄ абхидхаммам̣ ва̄ пуччхантийа̄ па̄читтийам̣. сесесупи есева найо, саббасо ака̄рите пана ваттаббамева наттхи.

са̄ваттхийам̣ самбахула̄ бхиккхунийо а̄раббха анока̄сакатам̣ бхиккхум̣ пан̃хам̣ пуччханаваттхусмим̣ пан̃н̃аттам̣. таттха таттха ока̄сам̣ ка̄ра̄петва̄ пуччхантийа̄, анодисса ока̄сам̣ ка̄ра̄петва̄ йаттха каттхачи пуччхантийа̄, умматтика̄дӣнан̃ча ана̄патти. бхиккхусса анока̄сака̄ра̄панам̣, пан̃хам̣ пуччхананти има̄неттха две ан̇га̄ни. самут̣т̣ха̄на̄дӣни падасодхаммасадиса̄ни, идам̣ пана кирийа̄кирийанти.

пан̃ха̄пуччханасиккха̄падаван̣н̣ана̄ нит̣т̣хита̄.