13. асам̣каччикасиккха̄падаван̣н̣ана̄

терасаме асам̣каччика̄ти адхаккхакауббхана̄бхиман̣д̣аласан̇кха̄тасса сарӣрасса пат̣иччха̄данаттхам̣ анун̃н̃а̄тасам̣каччикавирахита̄. га̄мам̣ пависеййа̄ти еттха париккхиттасса га̄масса париккхепам̣, апариккхиттасса упача̄рам̣ атиккамантийа̄ ва̄ оккамантийа̄ ва̄ пат̣хамапа̄де дуккат̣ам̣, дутийе па̄читтийам̣.

са̄ваттхийам̣ ан̃н̃атарам̣ бхиккхуним̣ а̄раббха асам̣каччика̄йа га̄мам̣ пависанаваттхусмим̣ пан̃н̃аттам̣. йасса̄ пана сам̣каччикачӣварам̣ аччхиннам̣ ва̄ нат̣т̣хам̣ ва̄, тасса̄, гила̄на̄йа, а̄пада̄су, умматтика̄дӣнан̃ча ана̄патти. асам̣каччиката̄, вуттапариччхеда̄тиккамо, анун̃н̃а̄така̄ран̣а̄бха̄воти има̄неттха тӣн̣и ан̇га̄ни. самут̣т̣ха̄на̄дӣни ел̣акаломасадиса̄нӣти.

асам̣каччикасиккха̄падаван̣н̣ана̄ нит̣т̣хита̄.

чхаттупа̄ханавагго навамо.