3. тиканиддесаван̣н̣ана̄

768. парипа̄читесӯти са̄дхитесу. ‘‘вихитесӯ’’ти еттха дуддха̄дӣсу вийа бхӯтака̄лата̄ на̄дхиппета̄ти а̄ха ‘‘висайависесанаматтамева̄’’ти. ‘‘каммам̣, сиппа’’нти пан̃н̃а̄ ка̄ран̣ӯпача̄рена вутта̄ти а̄ха ‘‘пан̃н̃а̄ ева ва̄…пе… ведитабба̄’’ти.

кусалам̣ каммам̣ сакам̣ екантам̣ хитасукха̄вахатта̄. таппат̣ипаккхатта̄ итарам̣ акусалам̣ каммам̣ носакам̣. саччапат̣иведха̄нуломанам̣ сачча̄нуломанам̣ вуттанти а̄ха ‘‘таппат̣иведхапаччайабха̄вена̄’’ти. маггасаччасса ануломанато ва̄ сачча̄нуломиката̄, татха̄ параматтхасаччасса ануломанато. тена̄ха ат̣т̣хакатха̄йам̣ ‘‘маггасаччасса̄’’тиа̄ди. пан̃н̃а̄ вутта̄ пан̃н̃а̄висайе пан̃н̃а̄киччасса дасситатта̄. ‘‘йогавихитесӯ’’тиа̄дина̄ вуттабхӯминиддесо, ‘‘каммассакатам̣ сачча̄нуломика’’нти вуттасарӯпаниддесо, ‘‘рӯпам̣ аничча’’нтиа̄дина̄ вуттаппака̄раниддесо ча йатха̄вутта̄…пе… ниддеса̄. ‘‘йогавихитесу камма̄йатанесу кхантим̣, каммассакатам̣ кхантим̣, ‘рӯпам̣ аничча’нти кханти’’нтиа̄дина̄ кхантиа̄дипадехи йоджетабба̄. олоканам̣ паччаккхакаран̣ам̣. дхамма̄ олоканам̣ кхамантӣти пан̃н̃а̄йа тадолоканасаматтхатама̄ха.

769. мун̃чатӣти паджахати. а̄раббха-кирийа̄йа адхит̣т̣ха̄нам̣ саман̇гибха̄во, адхикаран̣ам̣ пат̣т̣хапананти а̄ха ‘‘мун̃ча…пе… ваттум̣ йутта’’нти.

770. пан̃часӣладасасӣла̄ни каммават̣т̣екадесабхӯта̄ни сандха̄йа тесам̣ дхаммат̣т̣хитийам̣ самавародхо вутто. сатипи саванети ‘‘идха, бхиккхаве, арийаса̄вако па̄н̣а̄типа̄та̄ пат̣ивирато’’тиа̄дина̄ (а. ни. 8.39; ката̄. 480) татха̄гатато саване сатипи. бхиккхуа̄дӣнампи там̣ вуттам̣ адхисӣлапан̃н̃а̄панам̣ вийа на буддха̄вен̣иканти.

адхипан̃н̃а̄ниббаттесӯти т̣хапетва̄ адхипан̃н̃ам̣ тадан̃н̃есу маггапхаладхаммесу. тададхит̣т̣ха̄несӯти тасса̄ адхипан̃н̃а̄йа адхит̣т̣ха̄несу випассана̄дхаммесу.

771. апа̄йуппа̄данам̣ авад̣д̣хиниббаттанам̣. тасмим̣йева т̣ха̄нети тасмим̣йева кхан̣е.

тиканиддесаван̣н̣ана̄ нит̣т̣хита̄.