1. пан̣н̣аттива̄ро

уддесава̄раван̣н̣ана̄

1-9. а̄йатанайамака̄дӣсу ча пан̣н̣аттива̄ре падасодханава̄ра̄дӣнам̣ вачане ка̄ран̣ам̣ кхандхайамаке вуттанайенева ведитаббам̣. ‘‘ека̄даса ека̄даса катва̄ теттим̣сасатам̣ йамака̄нӣ’’тиа̄дина̄ кесучи поттхакесу ган̣ана̄ ликхита̄, са̄ татха̄ на хоти. ‘‘дваттим̣сасата’’нтиа̄дина̄ ан̃н̃аттха ликхита̄.

уддесава̄раван̣н̣ана̄ нит̣т̣хита̄.

ниддесава̄раван̣н̣ана̄

10-17. ва̄йанат̣т̣хена̄ти паса̄ран̣ат̣т̣хена, па̄кат̣абха̄ват̣т̣хена ва̄. ‘‘ка̄йо дхаммо’’ти ча вуччама̄нам̣ саббам̣ сасабха̄вам̣ а̄йатанамева̄ти ‘‘ка̄йо а̄йатана’’нти, ‘‘дхаммо а̄йатана’’нти ча еттха ‘‘а̄манта̄’’ти вуттам̣. ка̄йавачанена пана дхаммавачанена ча авуччама̄нам̣ кан̃чи сасабха̄вам̣ наттхӣти ‘‘на ка̄йо на̄йатанам̣, на дхаммо на̄йатана’’нти еттха ‘‘а̄манта̄’’иччева вуттам̣.

ниддесава̄раван̣н̣ана̄ нит̣т̣хита̄.