9. апариниппханнакатха̄ван̣н̣ана̄

917-918. на аничча̄дибха̄ванти еттха аничча̄дико бха̄во етасса̄ти аничча̄дибха̄ванти рӯпам̣ вуттам̣. ‘‘на кевалан̃хи пат̣хамасаччамева дуккха’’нти вадантена ‘‘дуккхан̃н̃ева париниппханна’’нти дуккхасаччам̣ сандха̄йа пуччха̄ ката̄ти дасситам̣ хоти. евам̣ сати тена ‘‘чаккха̄йатанам̣ апариниппханна’’нтиа̄ди на ваттаббам̣ сийа̄. на хи чаккха̄йатана̄дӣни анупа̄динна̄ни локуттара̄ни ва̄. танти ‘‘дуккхан̃н̃ева париниппханнам̣, на пана рӯпа’’нти етам̣ рӯпасса ча дуккхатта̄ но вата ре ваттаббети аттхо.

апариниппханнакатха̄ван̣н̣ана̄ нит̣т̣хита̄.

тевӣсатимаваггаван̣н̣ана̄ нит̣т̣хита̄.

катха̄ваттхупакаран̣а-мӯлат̣ӣка̄ саматта̄.

намо тасса бхагавато арахато самма̄самбуддхасса