12. упа̄да̄пан̃н̃атта̄нуйогаван̣н̣ана̄

97. нӣлам̣ рӯпам̣ упа̄да̄йа нӣлотиа̄дӣсӯти ‘‘нӣлам̣ рӯпам̣ упа̄да̄йа нӣлакасса пуггаласса пан̃н̃аттӣ’’ти еттха йо пут̣т̣хо нӣлам̣ упа̄да̄йа нӣлоти, тада̄дӣсӯти аттхо.

98. чхекат̣т̣хам̣ сандха̄йа̄ти чхекат̣т̣хам̣ сандха̄йа вуттам̣, на кусалапан̃н̃аттим̣. ‘‘кусалам̣ веданам̣ упа̄да̄йа̄’’ти ман̃н̃ама̄но пат̣иджа̄на̄тӣти аттхо дат̣т̣хаббо.

112. ида̄ни …пе… дассетум̣ ‘‘йатха̄ руккха’’нтиа̄дима̄ха̄ти пуббапаккхам̣ дассетва̄ уттарама̄ха̄ти вуттам̣ хоти.

115. ‘‘йасса рӯпам̣ со рӯпава̄’’ти уттарапаккхе вуттам̣ вачанам̣ уддхаритва̄ ‘‘йасма̄’’тиа̄дима̄ха.

116. читта̄нупассана̄васена̄ти читта̄нупассана̄васена паридӣпитасса сара̄га̄дичиттайогасса васена̄ти адхиппа̄йо.

118. йена̄ти чаккхунти ‘‘йена̄’’ти вуттам̣ каран̣ам̣ чаккхунти аттхо. чаккхумева рӯпам̣ пассатӣти вин̃н̃а̄н̣аниссайабха̄вӯпагаманамева чаккхусса дассанам̣ на̄ма хотӣти сандха̄йа вадати.

упа̄да̄пан̃н̃атта̄нуйогаван̣н̣ана̄ нит̣т̣хита̄.